الوقاية من الهكر

من طرف **Earthlink** السبت يوليو 10, 2010 4:58 am

شباب شكو ماكو ......

شباب اليوم جايبلكم موضوع الهكر اكو هواية شباب عدهم واهس يصيرون هكرية بس ميدرون اشلون ف شيسون يروحون يجيبون سيديات مال اختراق مواقع وهاي السيديات طبعا اكثريتها عبارة عن فايروسات بحيث مجرد مانزلت برنامج معين من هذا السيدي او الديفيدي راسا حاسبتك تنظرب فايروس وبدون متدري وحتة اذا جنت منصب انتيفايروس تبقة الحاسبة مظروبة ومثل متعرفون اكو انواع هواية من برامج الحماية من الفايروسات والهكر مثل كاسبر سكاي ونورتن ونود32 ومكافي وطبعا هي البرامج مجربة واوكي بس مو كل وقت تلكف فايروس ومشكلة برامج الهكر من ينزلون سيدي خاص مال تعلم الهكر يعني معناها همة مسويلك فخ تنزلها بحاسبتك حتة هو المصمم لهاي البرامج يكدر يخترق حاسبتك الي نصبت بيها برنامجة الي هو من تصميمة فبهاي الحالة انت سهلت علية اختراق حاسبتك وانتة متدري ولا راح تكدر تهكر حتة علة ام اللبن .. فاوصيكم شباب ديربالكم من هيج انواع من السيديات وحاولو تدرسون برنامج فجول بيسك او سي بلس لان هو اساس التهكير للمواقع وهذا برنامج موجود بس شوية صعب يرادلة واهس فاذا اتقنتوا راح اصيرون هكرية وعلى مسؤوليتي

شكرا